တရားမျှတမှုဆိုတာ လူတိုင်းရထိုက်တဲ့အရာ ဖြစ်တယ်

တရားမျှတမှုဆိုတာ လူတိုင်းရထိုက်တဲ့အရာ ဖြစ်တယ်။ ငါ တောင်းဆိုတာ တရားမျှတမှုပါပဲ။

လူများစုဟာ အတုအရောင် ဂုဏ်သိက္ခာနဲ့ နေကြတယ်။ ပစ္စည်းဥစ္စာ ချမ်းသာတာကို ဂုဏ်သိက္ခာလို့ ပြောကြတယ်။ ရာထူးကြီးတာကို ဂုဏ်သိက္ခာလို့ပြောကြတယ်။ အဲဒါတွေဟာ အတုအရောင် ဂုဏ်သိက္ခာတွေပါ။ လွတ်လပ်မှု ရိုးသားမှု တရားမျှတမှု မရှိပဲ စစ်မှန်တဲ့ဂုဏ်သိက္ခာ ဆိုတာ မရှိပါဘူး။

မတရားတာ မမျှတတာတွေကို လုပ်တဲ့သူတွေ များနေရင် တရားမျှတမှုမရှိတဲ့ အသိုင်းအ၀ိုင်း ဖြစ်နေမယ်။ တရားမျှတမှု မရှိတဲ့ အသိုင်းအ၀ိုင်းဟာ လွတ်လပ်မှုရှိတဲ့ အသိုင်းအ၀ိုင်း ဖြစ်တယ်လို့ ဘယ်လိုပြောနိုင်မလဲ။
မတရားတာ လုပ်တဲ့သူရှိရင် ခံရတဲ့သူ ရှိတယ်။ ခံရတဲ့သူဟာ လုပ်တဲ့သူကို လေးစားမှာ မဟုတ်ဘူး။ တစ်ဦးကိုတစ်ဦး မလေးစားနိုင်တဲ့ အသိုင်းအ၀ိုင်းဟာ ဂုဏ်သိက္ခာရှိတဲ့ အသိုင်းအ၀ိုင်း မဖြစ်နိုင်တော့ဘူး။ တရားမျှတမှု မရှိ၊ ဂုဏ်သိက္ခာလည်းမရှိတဲ့ အသိုင်းအ၀ိုင်းမှာ နေရတဲ့သူဟာ စိတ်အေးချမ်းမှု ဘယ်လိုလုပ် ရနိုင်တော့မလဲ။
လူတချို့ မတရားတာကို လွတ်လွတ်လပ်လပ် လုပ်ခွင့်ရှိတဲ့ အသိုင်းအ၀ိုင်းဟာ လွတ်လုပ်တဲ့ အသိုင်းအ၀ိုင်းမဖြစ်နိုင်ဘူး။ မလွတ်လုပ်တဲ့ အသိုင်းအ၀ိုင်းဟာ ဂုဏ်သိက္ခာရှိတဲ့ အသိုင်းအ၀ိုင်း မဖြစ်နိုင်ဘူး။ တရားမျှတမှု၊ လွတ်လပ်မှု နဲ့ လူ့ဂုဏ်သိက္ခာ ဒီသုံးပါးဟာ ဆက်စပ်နေပါတယ်။ တန်ဖိုးထားစရာကောင်းတဲ့ ဒီ(human values) သုံးပါးမရှိရင် အဆင့်မြင့်တဲ့ လူ့အသိုင်းအ၀ိုင်း မဖြစ်သေးဘူး။

မတရားတာ မမျှတတာကို လက်မခံသင့်ဘူး။ မတရားတာ မမျှတတာကို လက်ခံရင် အားပေးရာ ရောက်ပါတယ်။ မတရားတာကို မြင်ရ ကြားရရင် '' မတရားဘူး'' လို့ ကိုယ့်ကိုယ်ကို အရင်ပြတ်ပြတ်သားသား ပြောပါ။ နောက် ကိုယ့်မိတ်ဆွေ တစ်ယောက်ယောက်ကို ပြောပါ။
မတရားတာကို တွေ့ရ ကြားရပါလျက် ဘာမှ မပြောပဲနေရင် ကိုယ့်ကိုယ်ကို လေးစားမှုလျော့သွားမယ်။ ကိုယ့်ကိုယ်ကို အလိုတူအလိုပါလို့ ခံစားရမယ်။ ဒါကြောင့် မတရားတာကို မြင်ရ ကြားရတဲ့အခါ မသိဟန်ဆောင်နေပါနဲ့။

တရားမျှတတယ်ဆိုတာ လူတိုင်းရဲ့ဝတ္တရားဖြစ်ပါတယ်။ မတရားတာကို လုပ်နေတဲ့သူဟာ လူ့ကျင့်ဝတ်၊ လူ့ဝတ္တရားဖြစ်ပါတယ်။ မတရားတာကို လုပ်နေတဲ့သူဟာ လူ့ကျင့်ဝတ်၊ လူ့ဝတ္တရား ပျက်ကွက်နေတဲ့သူ ဖြစ်တယ်။ သူဟာ ဂုဏ်သိက္ခာမရှိတဲ့သူ ဖြစ်နေတယ်။

လွတ်လပ်ပြီး တရားမျှတတဲ့ လူ့အသိုင်းအ၀ိုင်းမှာနေချင်ရင်၊ စိတ်ချမ်းသာချင်ရင်၊ ဂုဏ်သိက္ခာရှိရှိနေချင်ရင် လွတ်လပ်မှုနဲ့တရားမျှတမှုကို ကာကွယ်ရမယ်။

ဘာသာရေး အယူအဆပဲဖြစ်ဖြစ်၊ နိုင်ငံရေး အယူအဆပဲဖြစ်ဖြစ်၊ အယူအဆတစ်ခုကို မှီပြီး အာဏာ သို့မဟုတ် ပစ္စည်း၊ ငွေ ရနေတဲ့သူဟာ အဲဒီအယူအဆကို လက်မလွှတ်နိုင်ဘူး။ ဒီအယူအဆကို မှီပြီး ကိုယ်ကျိုးရှိအောင် လုပ်နိုင်ရင် ဒီအယူအဆကို လက်မလွှတ်နိုင်ဘူး။ တကယ်တော့ ကိုယ်ကျိုးကို အဓိကထားတာပါ၊ အမှန်တရားကို အဓိကထားတာ မဟုတ်လို့ပဲ။
အမှန်တရားကိုသာ အဓိကထားရင် ကိုယ့်အယူအဆနဲ့ မတူတာကို ကြားရရင် သူမှန်သလား ကိုယ်မှန်သလား ဆိုတာကို ဘက်မလိုက်ပဲ အချိန်ယူပြီး စုံစမ်းရမယ်။ တစ်ဘက်သတ် ဆုံးဖြတ်ချက် မချဘူး။ အမှန်တရားနဲ့ တရားမျှတမှုကို တကယ်လိုလားတဲ့သူဟာ တစ်ဘက်သတ် သဘောထားကို လက်မခံဘူး။ လက်ကိုင်မထားဘူး။ သဘောထားမတူတာ အမြင်မတူတာကို ပွင့်ပွင့်လင်းလင်း ဆွေးနွေးပြီး အမျှတဆုံးအဖြေ အကောင်းဆုံး အဖြေကို မရမချင်း ရှာနေမယ်။

ကိုယ့်ကိုယ်ကို တကယ်လေးစားတဲ့သူ တန်ဖိုးထားတဲ့သူ ယုံကြည်တဲ့သူဟာ အလကား မလိုချင်ဘူး။ တန်ရာတန်ကြေး ပေးပြီးမှ လိုချင်တယ်။ ခိုင်းပြီး တန်အောင် မပေးတဲ့သူနဲ့ တန်အောင် မလုပ်ပဲ များများလိုချင်တဲ့ သူတွေဟာ လူ့အသိုင်းအ၀ိုင်းကို ဖျက်ဆီးတဲ့သူတွေပဲ။ နည်းနည်းပေးပြီး များများလိုချင်တဲ့ စိတ်ဟာ တရားမျှတမှုကို တန်ဖိုး မထားတဲ့စိတ် ဖြစ်တယ်။ တရားမျှတမှုကို တန်ဖိုးမထားတဲ့သူဟာ လွတ်လပ်တဲ့သူ မဖြစ်နိုင်ဘူး။
အဲဒီတော့ တန်အောင်မလုပ်ပဲနဲ့ များများလိုချင်တဲ့သူဟာ အောင်မြင်တဲ့သူ လွတ်လုပ်တဲ့သူ မဖြစ်နိုင်ဘူး။ တန်အောင်မလုပ်ပဲ များများ လိုချင်တာ ကိုယ့်ကိုယ်ကို မယုံကြည်တဲ့လူရဲ့ သဘောထား ဖြစ်တယ်။ ကိုယ့်ကိုယ်ကို မယုံကြည်တဲ့သူဟာ အောင်မြင်ကြီးပွားတဲ့သူ မဖြစ်နိုင်ဘူး။

အကြောင်းအကျိုး သဘာဝကျအောင် စဉ်းစားတတ် လုပ်တတ်တဲ့ သူမှာ အနစ်နာခံရတဲ့သူ၊ အနိုင်ယူတာ ခံရတဲ့သူ မရှိဘူး။ ငါ့အကျိုးရှိရင် သူ့အကျိုးထိခိုက်တယ် ဆိုတာလည်း မရှိဘူး။ အကြောင်းအကျိုး သဘာဝကျအောင် စဉ်းစားတတ်၊ လုပ်တတ်တဲ့သူဟာ ထိုက်တန်အောင် မလုပ်ရပဲ ရတာကို မလိုချင်ဘူး။

ငါလိုချင်တာရဖို့ တန်ရာ တန်ကြေးကို ပေးမယ် ဆိုတဲ့စိတ်ကို ပီပီပြင်ပြင် ပြတ်ပြတ်သားသား ဆုံးဖြတ်လိုက်ပါ။ အဲဒီလို ဆုံးဖြတ်လိုက်တာနဲ့ စိတ်မှာ သတ္တိတစ်မျိုး ဖြစ်လာမယ်။ စွမ်းအားတစ်မျိုး ဖြစ်လာမယ်။
တန်ရာတန်ကြေးမပေးပဲ ဘယ်သောအခါမှာမှ ရအောင်မလုပ်ပါဘူး။ ဂုဏ်သိက္ခာရှိရှိ ရတာက လွဲလို့ တခြားနည်းနဲ့ရတာကို ဘယ်တော့မှ မလိုချင်ပါဘူး။ ကိုယ့်ဂုဏ်သိက္ခာကို ဘယ်တော့မှ ရောင်းမစားပါဘူး လို့ဆုံးဖြတ်လိုက်ပါ။ အဲဒီလိုဆုံးဖြတ်လိုက်ရင် အဲဒီစိတ်ဓါတ်က ကိုယ်လိုချင်တာရအောင် ကောင်းတဲ့လုပ်နည်းကို ပေးပါလိမ့်မယ်။
ကိုယ်လိုချင်တာရအောင် ကိုယ့်ကို လုပ်ပေးနိုင်တာ ကိုယ့်စိတ်ဓါတ်နဲ့ ကိုယ့်အရည်အချင်းပါပဲ။ ဒီစိတ်ဓါတ်ဟာ လွတ်လပ်တဲ့သူရဲ စိတ်ဓါတ်ပဲ။

စီးပွားရေး၊ လူမှုရေး၊ ဘာသာရေး၊ ပညာရေး၊ နိုင်ငံရေး၊ အိမ်ထောင်ရေး၊ နောက် တခြားအရေးတွေပါ ထည့်လိုက်အုံး၊ ဒါတွေကို တစ်ကဏ္ဍစီ ထားပြီးတော့ လုပ်လို့ မဖြစ်နိုင်ဘူး။ ဒါတွေအားလုံးဟာ တစ်ခုတည်းသော ခိုင်မာတဲ့၊ လေးနက်တဲ့၊ ရင့်ကျက်တဲ့ ရိုးသားမှု၊ မျှတမှု ဆိုတဲ့ သဘောထားပေါ်မှာ အခြေခံရမယ်။ အောက်ခြေ foundation အုတ်မြစ်ဟာ တစ်ခုတည်းပဲ။ ရိုးသားမှု မျှတမှု foundation ပဲ။ ဘ၀တစ်ခုလုံးရဲ့ foundation ဟာ spiritual foundation ပဲ ဖြစ်ရမယ်။
             ငါတန်ဖိုးထားတာ မရေရာရင် ငါဟာ မရေရာတဲ့သူ ဖြစ်နေပြီ။ ငါ့ဘ၀ဟာလည်း မရေရာဘူး။ ငါ့ဆက်ဆံရေးတွေဟာလည်း မရေရာဘူး။ ငါ့ဘာသာရေးဟာလည်း မရေရာဘူး။ ဒါကို လေးလေးနက်နက် သဘောပေါက်ဖို့ လိုတယ်။ ဒါ အရေးကြီးတယ်။ ငါ ဘာကို တန်ဖိုးထားနေသလဲဆိုတာ သေသေချာချာ ကြည့်ပါ။ ဟောဒီ သဘောထားကိုတော့ ငါ ဘယ်တော့မှ မပျက်မခံဘူး၊ သေချင်ရင် သေသွားပါစေတော့ ဆိုတဲ့ ခံယူချက်  ရှိရမယ်။

လူ့သဘာဝမှာ ဟိရိ သြတ္တပ္ပ ဆိုတဲ့ ရှက်တတ် ကြောက်တတ်တဲ့စိတ်ဟာ ရှိပါတယ်။ မွေးရာပါစိတ် ဖြစ်ပါတယ်။ တရားကို သဘောပေါက်တဲ့သူမှာ အဲဒီစိတ်က သိပ်အားကြီးတယ်။ ဘယ်တော့မှ မကောင်းတာ မမှန်တာ မရိုးသားတာကို မလုပ်ဘူး။ မသိလို့ လုပ်မိရင် အမြန်ဆုံး ၀န်ခံတယ်။ အဲဒီအချက်ကို ကြည့်ရင် စိတ်ဓါတ် အဆင့်အတန်း မြင့်တဲ့သူ အသိဥာဏ် အဆင့်အတန်း မြင့်တဲ့သူတွေဟာ အရှက်အကြောက် ပိုပြီး ကြီးတယ်လို့ ဆိုနိုင်တယ်။ အသိဥာဏ်အဆင့်အတန်း နိမ့်သေးတဲ့သူ စိတ်ဓါတ်အဆင့်အတန်း နိမ့်သေးတဲ့သူဟာ အရှက်အကြောက် နည်းတယ်လို့ ဆိုနိုင်တယ်။



ဆရာတော် ဦးဇောတိက