ကောင်းကင်ကြီးတခုလုံး မှုန်မှိုင်းအုံ့ဆိုင်းနေပြီ
ခပ်ကြမ်းကြမ်းလေအေးတချက်အတိုက်မှာ
ရင်ဘတ်တခု ကျကွဲသွားသံ
နားနဲ့ ဆတ်ဆတ် ကြားလိုက်ရတယ် အမေ။
တိမ်မည်းမည်းတွေ ခရီးသွားနေကြပြီ
တိမ်တိုက်တစ်ခု အဖြတ်
လစ်ဟာသွားတဲ့ ကောင်းကင်မှာ
မချိပြုံးနဲ့သွားဖြဲပြနေတဲ့ ကြယ်တွေ
မ၀ံ့မရဲနဲ့ လင်းလိုက်မှိန်လိုက် ရဲရဲမပြုံးနိုင်ရှာဘူးအမေ။
ဟိုး ..... ခပ်ဝေးဝေးမှ
လမင်းကတော့ သူတတ်နိုင်သလောက်အလင်းနဲ့
ကြယ်တွေကို ခွန်အားပေးနေပေမဲ့
သူ့ကိုယ်သူ အားမရတဲ့ ဟန်နဲ့
လူမသိ သူမသိ
သက်ပြင်းတွေ ခိုးခိုးရှိုက်နေတယ်အမေ။
ခရီးသွားနေတဲ့ တိမ်ဆိုင်တွေ
ကျနော့်ခေါင်းထက် တထောက်နား
သူတို့ပေါက်ကွဲမှုတွေကို မိုးရေအဖြစ်ရွာသွန်းနေကြပြီအမေ။
ပေါက်ကွဲမှုမိုးရေကြား မိနစ်အနည်းငယ် ငေးရင်း
ခေါင်းတစ်ချက်အငုံ့
စွေးစွေးနီရဲ ခပ်ဟဟ ဖြစ်နေတဲ့
ကျနော့်ရင်ဘတ်တံခါး
ခပ်ပါးပါးလေး ဆွဲစေ့ပြီး ဥပက္ခာအပြု
ပေါက်ကွဲမှုမိုးရေနဲ့ရောပြီး ကျနော့်ပါးပြင်ထက်
နွေးရှရှ ဖြတ်သန်းသွားခဲ့တယ် အမေ..။
ချိုခ
